Ambe Tu Hai Jagdambe Kaali,Jai Durge Khappar Waali.
Tere Hi Gun Gaayen Bhaarti,O Maiya Hum Sab Utaaren Teri Aarti ॥
Tere Bhakt Jano Pe Mata,Bheer Padi Hai Bhaari.
Daanav Dal Par Toot Pado Maa,Karke Singh Sawaari ॥
Sau Sau Singhon Se Tu Balshaali,Ashta Bhujaaon Wali.
Dukhiyon Ke Dukhde Nivaarti,O Maiya Hum Sab Utaaren Teri Aarti ॥
Maa Bete Ka Hai Is Jag Mein,Bada Hi Nirmal Naata.
Poot Kapoot Sune Hain Par,Mata Na Suni Kumata ॥
Sab Par Karuna Darsaane Waali,Amrit Barsaane Waali.
Dukhiyon Ke Dukhde Nivaarti,O Maiya Hum Sab Utaaren Teri Aarti ॥
Nahin Maangte Dhan Aur Daulat,Na Chaandi Na Sona.
Hum To Maange Maa Tere Man Mein,Ik Chhota Sa Kona ॥
Sabki Bigdi Banaane Waali,Laaj Bachaane Waali.
Satiyon Ke Sat Ko Sanwaarti,O Maiya Hum Sab Utaaren Teri Aarti ॥
Ambe Tu Hai Jagdambe Kaali,Jai Durge Khappar Waali.
Tere Hi Gun Gaayen Bhaarti,O Maiya Hum Sab Utaaren Teri Aarti ॥
॥ Maa Kaali Aarti Sampoornam ॥