॥ Chaupai ॥
Pehle Sai Ke Charanon Mein, Apna Sheesh Namaun Main।
Kaise Shirdi Sai Aaye, Saara Haal Sunaun Main॥
Kaun Hain Mata, Pita Kaun Hain, Yah Na Kisi Ne Bhi Jaana।
Kahaan Janam Sai Ne Dhaara, Prashn Paheli Raha Bana॥
Koi Kahe Ayodhya Ke Ye, Ramchandra Bhagwan Hain।
Koi Kahta Sainbaba, Pavan-Putra Hanuman Hain॥
Koi Kahta Mangal Murti, Shri Gajanan Hain Sai।
Koi Kahta Gokul-Mohan, Devaki Nandan Hain Sai॥
Shankar Samajh Bhakt Kai To, Baba Ko Bhajate Rahte।
Koi Kah Avatar Datt Ka, Pooja Sai Ki Karte॥
Kuchh Bhi Mano Unko Tum, Par Sai Hain Sachche Bhagwan।
Bade Dayalu, Deenbandhu, Kitnon Ko Diya Hai Jeevan Daan॥
Kai Varsh Pehle Ki Ghatna, Tumhen Sunaunga Main Baat।
Kisi Bhagyashali Ki, Shirdi Mein Aai Thi Baraat॥
Aaya Saath Usi Ke Tha, Baalak Ek Bahut Sundar।
Aaya, Aakar Wahin Bas Gaya, Paavan Shirdi Kiya Nagar॥
Kai Dinon Tak Raha Bhatakta, Bhiksha Maangi Usne Dar-Dar।
Aur Dikhai Aisi Leela, Jag Mein Jo Ho Gai Amar॥
Jaise-Jaise Umar Badhi, Vaise Hi Badhti Gai Shaan।
Ghar-Ghar Hone Laga Nagar Mein, Sai Baba Ka Gungaan॥
Dig-Digant Mein Laga Goonjne, Phir To Saiji Ka Naam।
Deen-Dukhi Ki Raksha Karna, Yahi Raha Baba Ka Kaam॥
Baba Ke Charanon Mein Jaakar, Jo Kahta Main Hoon Nirdhan।
Daya Usi Par Hoti Unki, Khul Jaate Dukh Ke Bandhan॥
Kabhi Kisi Ne Maangi Bhiksha, Do Baba Mujhko Santaan।
Evam Astu Tab Kahkar Sai, Dete The Usko Vardaan॥
Swayam Dukhi Baba Ho Jaate, Deen-Dukhi Jan Ka Lakh Haal।
Antahkaran Shri Sai Ka, Saagar Jaisa Raha Vishaal॥
Bhakt Ek Madrasi Aaya, Ghar Ka Bahut Bada Dhanvaan।
Maal Khajana Behad Uska, Keval Nahin Rahi Santaan॥
Laga Manaane Sai Nath Ko, Baba Mujh Par Daya Karo।
Jhanjha Se Jhankrit Naiya Ko, Tum Hi Meri Paar Karo॥
Kuldipak Ke Bina Andhera, Chhaya Hua Ghar Mein Mere।
Isliye Aaya Hoon Baba, Hokar Sharanagat Tere॥
Kuldipak Ke Abhaav Mein, Vyarth Hai Daulat Ki Maya।
Aaj Bhikhari Ban Kar Baba, Sharan Tumhari Main Aaya॥
De Do Mujhko Putra Daan, Main Rini Rahoonga Jeevan Bhar।
Aur Kisi Ki Aas Na Mujhko, Sirf Bharosa Hai Tum Par॥
Anunay-Vinay Bahut Ki Usne, Charanon Mein Dhar Ke Sheesh।
Tab Prasann Hokar Baba Ne, Diya Bhakt Ko Yah Aashish॥
`Allah Bhala Karega Tera`, Putra Janm Ho Tere Ghar।
Kripa Hogi Tum Par Uski, Aur Tere Us Baalak Par॥
Ab Tak Nahi Kisi Ne Paaya, Sai Ki Kripa Ka Paar।
Putra Ratna De Madrasi Ko, Dhanya Kiya Uska Sansaar॥
Tan-Man Se Jo Bhaje Usi Ka, Jag Mein Hota Hai Uddhar।
Saanch Ko Aanch Nahin Hai Koi, Sada Jhooth Ki Hoti Haar॥
Main Hoon Sada Saharae Uske, Sada Rahoonga Uska Daas।
Sai Jaisa Prabhu Mila Hai, Itni Hi Kam Hai Kya Aas॥
Mera Bhi Din Tha Ik Aisa, Milti Nahin Mujhe Thi Roti।
Tan Par Kapda Door Raha Tha, Shesh Rahi Nanhin Si Langoti॥
Sarita Sanmukh Hone Par Bhi Main Pyaasa Ka Pyaasa Tha।
Durdin Mera Mere Upar, Daavagni Barsata Tha॥
Dharti Ke Atirikt Jagat Mein, Mera Kuchh Avalamb Na Tha।
Bana Bhikhari Main Duniya Mein, Dar-Dar Thokar Khata Tha॥
Aise Mein Ik Mitra Mila Jo, Param Bhakt Sai Ka Tha।
Janjaalon Se Mukt Magar Is, Jagati Mein Vah Mujh-Sa Tha॥
Baba Ke Darshan Ki Khatir, Mil Donon Ne Kiya Vichar।
Sai Jaise Daya-Murti Ke, Darshan Ko Ho Gaye Taiyar॥
Paavan Shirdi Nagari Mein Jaakar, Dekhi Matvaali Murti।
Dhanya Janm Ho Gaya Ki Hamne, Jab Dekhi Sai Ki Soorati॥
Jabse Kiye Hain Darshan Hamne, Dukh Saara Kafoor Ho Gaya।
Sankat Saare Mite Aur, Vipdaon Ka Ant Ho Gaya॥
Maan Aur Samman Mila, Bhiksha Mein Hamko Baba Se।
Pratibimbit Ho Uthe Jagat Mein, Hum Sai Ki Aabha Se॥
Baba Ne Samman Diya Hai, Maan Diya Is Jeevan Mein।
Iska Hi Sambal Le Main, Hansta Jaaunga Jeevan Mein॥
Sai Ki Leela Ka Mere, Man Par Aisa Asar Hua।
Lagta Jagati Ke Kan-Kan Mein, Jaise Ho Vah Bhara Hua॥
“Kashiram” Baba Ka Bhakt, Is Shirdi Mein Rahta Tha।
Main Sai Ka Sai Mera, Vah Duniya Se Kahta Tha॥
Seekar Swayam Vastr Bechta, Gram Nagar Bazaaron Mein।
Jhankrit Uski Hrid Tantri Thi, Sai Ki Jhankaron Mein॥
Stabdh Nisha Thi, The Soye, Rajani Aanchal Mein Chand-Sitare।
Nahin Soojhta Raha Haath Ko Haath Timir Ke Mare॥
Vastr Bechkar Laut Raha Tha, Haay! Haat Se “Kashi”।
Vichitra Bada Sanyog Ki Us Din, Aata Tha Vah Ekaaki॥
Gher Raah Mein Khade Ho Gaye, Use Kutil, Anyayi।
Maaro Kaato Looto Iski Hi, Dhvani Padi Sunai॥
Loot Peet Kar Use Vahaan Se, Kutil Gaye Champat Ho।
Aaghaton Se, Marmaahat Ho, Usne Di Sangya Kho॥
Bahut Der Tak Pada Raha Vah, Wahin Usi Haalat Mein।
Jaane Kab Kuchh Hosh Ho Utha, Wahin Uski Palak Mein॥
Anjaane Hi Uske Munh Se, Nikal Pada Tha Sai।
Jiski Pratidhvani Shirdi Mein, Baba Ko Padi Sunai॥
Kshubdh Utha Ho Maanas Unka, Baba Gaye Vikal Ho।
Lagta Jaise Ghatna Saari, Ghati Unhin Ke Sammukh Ho॥
Unmaadi Se Idhar-Udhar, Tab Baba Lage Bhatakne।
Sammukh Cheezen Jo Bhi Aain, Unko Lage Patakne॥
Aur Dhadhakte Angaron Mein, Baba Ne Apna Kar Daala।
Hue Sashankit Sabhi Wahaan, Lakh Taandav Nritya Nirala॥
Samajh Gaye Sab Log Ki Koi, Bhakt Pada Sankat Mein।
Kshubhit Khade The Sabhi Wahaan Par, Pade Hue Vismay Mein॥
Use Bachane Ke Hi Khatir, Baba Aaj Vikal Hain।
Uski Hi Peeda Se Peedit, Unka Antahsthal Hai॥
Itne Mein Hi Vidhi Ne Apni, Vichitrata Dikhlai।
Lakh Kar Jisko Janata Ki, Shraddha-Sarita Lahraai॥
Lekar Kar Sangyaheen Bhakt Ko, Gaadi Ek Wahaan Aai।
Sammukh Apne Dekh Bhakt Ko, Sai Ki Aankhen Bhar Aain॥
Shaant, Dheer, Gambheer Sindhu-Sa, Baba Ka Antahsthal।
Aaj Na Jaane Kyon Rah-Rah Kar, Ho Jaata Tha Chanchal॥
Aaj Daya Ki Murti Swayam Tha, Bana Hua Upchaari।
Aur Bhakt Ke Liye Aaj Tha, Dev Bana Pratihaari॥
Aaj Bhakti Ki Visham Pareeksha Mein, Safal Hua Tha Kaashi।
Uske Hi Darshan Ke Khatir, The Umde Nagar-Nivaasi॥
Jab Bhi Aur Jahaan Bhi Koi, Bhakt Pade Sankat Mein।
Uski Raksha Karne Baba, Aate Hain Palbhar Mein॥
Yug-Yug Ka Hai Satya Yah, Nahin Koi Nai Kahani।
Aapaatgrast Bhakt Jab Hota, Aate Khud Antaryaami॥
Bhed-Bhaav Se Pare Pujaari, Maanavta Ke The Sai।
Jitne Pyare Hindu-Muslim, Utne Hi The Sikh Isaai॥
Bhed-Bhaav Mandir-Masjid Ka, Tod-Phod Baba Ne Daala।
Ram-Rahim Sabhi Unke The, Krishna-Karim-Allahataala॥
Ghante Ki Pratidhvani Se Goonja, Masjid Ka Kona-Kona।
Mile Paraspar Hindu-Muslim, Pyaar Badha Din-Din Doona॥
Chamatkaar Tha Kitna Sundar, Parichay Is Kaaya Ne Di।
Aur Neem Kaduvahat Mein Bhi, Mithaas Baba Ne Bhar Di॥
Sabko Sneh Diya Sai Ne, Sabko Santul Pyaar Kiya।
Jo Kuchh Jisne Bhi Chaaha, Baba Ne Unko Wahi Diya॥
Aise Sneh Sheel Bhaajan Ka, Naam Sada Jo Japa Kare।
Parvat Jaisa Dukh Na Kyon Ho, Palbhar Mein Wah Door Tare॥
Sai Jaisa Daata Hamne, Are Nahin Dekha Koi।
Jiske Keval Darshan Se Hi, Saari Vipda Door Ho Gai॥
Tan Mein Sai, Man Mein Sai, Sai-Sai Bhaja Karo।
Apne Tan Ki Sudhi-Budhi Khokar, Sudhi Uski Tum Kiya Karo॥
Jab Tu Apni Sudhi Taj, Baba Ki Sudhi Kiya Karega।
Aur Raat-Din Baba, Baba Hi Tu Rata Karega॥
To Baba Ko Are! Vivash Ho, Sudhi Teri Leni Hi Hogi।
Teri Har Ichchha Baba Ko, Poori Hi Karni Hogi॥
Jangal-Jangal Bhatak Na Paagal, Aur Dhoondhne Baba Ko।
Ek Jagah Keval Shirdi Mein, Tu Payega Baba Ko॥
Dhanya Jagat Mein Praani Hai Wah, Jisne Baba Ko Paaya।
Dukh Mein Sukh Mein Prahar Aath Ho, Sai Ka Hi Gun Gaaya॥
Giren Sankaton Ke Parvat, Chahe Bijli Hi Toot Pade।
Sai Ka Le Naam Sada Tum, Sammukh Sab Ke Raho Ade॥
Is Boodhe Ki Karaamat Sun, Tum Ho Jaoge Hairaan।
Dang Rah Gaye Sunkar Jisko, Jaane Kitne Chatur Sujaan॥
Ek Baar Shirdi Mein Sadhu, Dhongi Tha Koi Aaya।
Bholi-Bhaali Nagar-Nivaasi, Janata Ko Tha Bharamaya॥
Jadi-Bootiyan Unhen Dikhakar, Karne Laga Vahaan Bhaashan।
Kahne Laga Suno Shrotaagan, Ghar Mera Hai Vrindavan॥
Aushadhi Mere Paas Ek Hai, Aur Ajab Ismein Shakti।
Iske Sevan Karne Se Hi, Ho Jaati Dukh Se Mukti॥
Agar Mukt Hona Chaho Tum, Sankat Se Bimaari Se।
To Hai Mera Namra Nivedan, Har Nar Se Har Naari Se॥
Lo Khareed Tum Isko Iski, Sevan Vidhiyaan Hain Nyaari।
Yadyapi Tuchchh Vastu Hai Yah, Gun Uske Hain Ati Bhaari॥
Jo Hai Santati Heen Yahaan Yadi, Meri Aushadhi Ko Khaayen।
Putra-Ratna Ho Praapt, Are Vah Munh Maanga Phal Paayen॥
Aushadhi Meri Jo Na Khareede, Jeevan Bhar Pachhataayega।
Mujh Jaisa Praani Shayad Hi, Are Yahaan Aa Paayega॥
Duniyaan Do Din Ka Mela Hai, Mauj Shauk Tum Bhi Kar Lo।
Gar Isse Milta Hai, Sab Kuchh, Tum Bhi Isko Le Lo॥
Hairaani Badhati Janata Ki, Lakh Iski Kaarastani।
Pramudit Vah Bhi Man Hi Man Tha, Lakh Logo Ki Naadani॥
Khabar Sunaane Baba Ko Yah, Gaya Daudkar Sevak Ek।
Sunkar Bhrikuti Tani Aur, Vismaran Ho Gaya Sabhi Vivek॥
Hukm Diya Sevak Ko, Satvar Pakad Dusht Ko Laao।
Ya Shirdi Ki Seema Se, Kapati Ko Door Bhagao॥
Mere Rahte Bholi-Bhaali, Shirdi Ki Janata Ko।
Kaun Neech Aisa Jo, Saahas Karta Hai Chhalne Ko॥
Pal Bhar Mein Hi Aise Dhongi, Kapati Neech Lutere Ko।
Mahanaash Ke Mahaagart Mein, Pahuncha Doon Jeevan Bhar Ko॥
Tanik Mila Aabhaas Madaari Kroor Kutil Anyayi Ko।
Kaal Naachta Hai Ab Sir Par, Gussa Aaya Sai Ko॥
Pal Bhar Mein Sab Khel Band Kar, Bhaaga Sir Par Rakhkar Pair।
Soch Tha Man Hi Man, Bhagwan Nahin Hai Ab Khair॥
Sach Hai Sai Jaisa Daani, Mil Na Sakega Jag Mein।
Ansh Eesh Ka Sainbaba, Unhen Na Kuchh Bhi Mushkil Jag Mein॥
Sneh, Sheel, Saujanya Aadi Ka, Aabhushan Dhaaran Kar।
Badhata Is Duniya Mein Jo Bhi, Maanav-Seva Ke Path Par॥
Vahi Jeet Leta Hai Jagati Ke, Jan-Jan Ka Antahsthal।
Uski Ek Udaasi Hi Jag Ko Kar Deti Hai Vihval॥
Jab-Jab Jag Mein Bhaar Paap Ka, Badh Badh Hi Jaata Hai।
Use Mitaane Ke Hi Khaatir, Avataari Hi Aata Hai॥
Paap Aur Anyay Sabhi Kuchh, Is Jagati Ka Har Ke।
Door Bhaga Deta Duniya Ke, Daanav Ko Kshan Bhar Mein॥
Sneh Sudha Ki Dhaar Barasne, Lagti Hai Is Duniya Mein।
Gale Paraspar Milne Lagte, Hain Jan-Jan Aapas Mein॥
Aise Hi Avataari Sai, Mrityulok Mein Aakar।
Samata Ka Yah Paath Padhaya, Sabko Apna Aap Mitaakar॥
Naam Dvaaraka Masjid Ka, Rakkha Shirdi Mein Sai Ne।
Daap, Taap, Santaap Mitaaya, Jo Kuchh Aaya Sai Ne॥
Sada Yaad Mein Mast Ram Ki, Baithe Rahte The Sai।
Pahar Aath Hi Ram Naam Ka, Bhajate Rahte The Sai॥
Sookhi-Rookhi, Taaji-Baasi, Chaahe Ya Hove Pakvaan।
Sada Pyaar Ke Bhookhe Sai Ki, Khaatir The Sabhi Samaan॥
Sneh Aur Shraddha Se Apni, Jan Jo Kuchh De Jaate The।
Bade Chaav Se Us Bhojan Ko, Baba Paavan Karte The॥
Kabhi-Kabhi Man Bahalaane Ko, Baba Baag Mein Jaate The।
॥ Itishri Sai Chalisa Samaapt ॥