Jai Vaishno Mata, Maiya Jai Vaishno Mata।
Haath jod tere aage, Aarti main gaata
Jai Vaishnavi Mata
Sheesh pe chatra viraaje, Muratiya pyaari।
Ganga bahti charanan, Jyoti jage nyaari
Jai Vaishnavi Mata
Brahma Ved padhe nit dvaare, Shankar dhyaan dhare।
Sevak chanvar dulaavat, Narad nritya kare
Jai Vaishnavi Mata
Sundar gufa tumhari, Man ko ati bhaave।
Baar-baar dekhan ko, Ai Maa man chaave
Jai Vaishnavi Mata
Bhavan pe jhande jhoole, Ghanta dhvani baaje।
Ooncha Parvat tera, Mata priya laage
Jai Vaishnavi Mata
Paan supari dhvaja naariyal, Bhent pushp meva।
Daas khade charanon mein, Darshan do Deva
Jai Vaishnavi Mata
Jo jan nishchay kar ke, Dvaar tumhare aave।
Uski ichchha pooran, Mata ho jaave
Jai Vaishnavi Mata
Itni stuti nishdin, Jo nar bhi gaave।
Kahte Sevak Dhyaanu, Sukh sampatti paave
Jai Vaishnavi Mata